Gimli, der Zwerg

Ds Neuschte us em blaue Wunderland.

Linard Bardill, Schweizer Radio DRS1 in Zusammenarbeit mit CH Radio Hörspiel+Unterhaltung

Ds Blaue Wunderlandlied

Han i mit der Frau Petrell
Burge baut im Sand,
han re gseit: He du verzell,
ds Neuschte us em blaue Wunderland!

d'Frau Petrell hät überleit und gseit:
Vom Gimli und vom Doppelhas,
vom Brummbär Beltrametti,
gäbtis scho no dies und das,
wo n i z'verzelle hätti.

Zum Bispil vo der lange Reis,
uf den Adlerflügel.
Drizehn Stund, so viel i weiss,
über Tal und Hügel.

Zum Bispil vo dem gelbe Ding,
über em Gebüsch,
s'flügt so wie ne Schmetterling,
ob das ächt gfärlich isch?

Zum Bispil vo der Gfohr im Wald,
wo ds'Gänsli hät vergässe.
Jetzt spinnt's und gurglet's, lacht und lallt
Wil's Flügepilz hät gässe.

Zum Bispil vo de Stei im Bach,
der Has isch nass uf d'Knoche,
der Bär, de macht en Höllekrach,
wil d'Mucke händ ne gschtoche.

Zum Bispil vo dem grosse Fescht
im Fröschequakesummer,
der Has isch Chef, er git sis Bescht,
doch s'Chef si macht em Kummer.

Zum Bispil vo dem grosse Tier,
Milchkue sölls schient's heisse,
Flade tuets als Souvenir
ir Weltgschicht umeschmeisse.

Zum Bispil vo dem Superznacht,
Tomate mit Spaghetti,
d'Muzzina het si selber gmacht,
für d'Mama Beltrametti.

Text und Musik:  Linard Bardill
Regie: Päivi Stalder
Technik: Fabian Lehmann & Martin Weidmann
Illustrationen: Isabelle Mars, Hamburg
Art Work: Stephan Storrer
Photo: Sanna Wittwer